Nsemia Inc Publishers

Eamate ya Mwanyagetinge korwa Iranda, Keera amo n’Ebate yataborigwe abana babo n’amatongire akageire koba ching’erabanto engaki y’enyakoira. Abamanyi b’echimbaroki korwa egetaseni kia Iranda beindire gochia ase ense y’Obwari y’eching’erabanto ase Eamate y’eChing’enang’eni chi’Egetinge Egesiani magega y’Otongoro konyora obobisi gete. Korende, chinkwana chiabo chiabutokire ekero bare obogatagati bw’engoronyongora, barigereretie amatunwa y’ebitare. Inee, Otongoro mbaigete buya? Ninki bakorete gose? Eki Abande Bagoteba “Mosinto o Nyamweya gwakorire enkore. Kwaimokereirie omonwa oito bw’Ekegusii igoro mono kobua buna abange bare gocha korengereria. Tiga ’ngotogie ase aya. Bono amarieta ande konye asirire korwa ase chinkwana chia botambe, abokigwe as’amariko aya. Kwaretire ase tore amageni amange torache gwatora ase ebiare n’ebiare bigocha. Tiga ebirengererio ebiruruki, goetera ase omogano oyo, bitoire gochia igoro ase totare gocha goika. Ase ogotacha, bona kogororoka; ochie kare buna Esameta n’Emanga! Masoge manene!” – Dr. Peter Nyansera Otieno, Kisii University.